रत्नागिरी : येथील गोगटे-जोगळेकर महाविद्यालयाचे भूतपूर्व प्राचार्य डॉ. वि. के. बावडेकर यांच्या स्मृतीप्रित्यर्थ प्रति वर्षी विज्ञान व्याख्यानमालेचे आयोजन केले जाते. या व्याख्यानमालेतील ३३वे पुष्प गोवा विद्यापीठाच्या वनस्पतीशास्त्र विभागाचे डॉ. एम. के. जनार्दनम् गुंफणार आहेत.
हा कार्यक्रम शनिवारी (१६ मार्च) दुपारी १२.३० वाजता महाविद्यालयाच्या राधाबाई शेट्ये सभागृहात आयोजित करण्यात आला आहे. डॉ. जनार्दनम हे ‘वनस्पती, माणूस आणि पर्यावरण’ या विषयावर व्याख्यान देणार आहेत. रत्नागिरीतील नागरिकांनी या व्याख्यानमालेस आवर्जून उपस्थित राहण्याचे आवाहन गोगटे-जोगळेकर महाविद्यालयाचे प्राचार्य डॉ. किशोर सुखटणकर यांनी केले आहे.